Mera Samaaj

Mera Manana Hain Ek Samaaj,

Jo Lakwagrasth Tha, Aur Hain,

Unhe Baisakhiyon Ka Sahara,

To Chahiye Hi Tha, Wo Jaruri Tha…

Lekin Uske Sharir Ke Kondh,

We Wo Baddhe Dagh, Jinn Ki Wajah,

Se Tumne Ussey Kothri Main Band Rakha,

Aur Samaaj Ke Har Bandish Main Ussey Dabay Rakha…

Yeh Keval Uss Akele Abhagey Ki Nahi,

Balki Uss Jaise Karodo Abhagon Ki,

Ansuni Kahani Hain, Jo Bata Raha Hun,

Tumhari Soi Atma Ko Jaga Raha Hun…

Yahan Yeh Bhi Kehna Chahunga Main Dubara,

Yeh Keval Ek Janm Ki Nahi,

Balki Janm Janmantaro Se Ho Rahi,

Hazaron Saalon Ki Kahani Hain…

Kahani Bhi Aisi Jo Upekshaon Se Bhari,

Shoshan Se Tari, Atyacharon Se Bhari,

Tano Se Mari, Bhuk Se Pratadhit,

Pyas Se Vyakul, Aur Cheez Se Vanchit…

Kabhi Koshish Hi Nahi Ki,

Meri Apekshaon Ko Janne Ki Tumne,

Tanik Ruk Kar Yadi Tumne, Le Li Hoti Meri Ratti Bhar Sudh,

Toh Aaj Na Hoti Lachar Meri Soch…

Meri Soch Abh Soi Nahi,

Meri Soch Toh Abh Mrit Hain,

Samajhte Ho Iska Matlab?

Nahin! Varna Aaj Tum Pehle Chuvachut Ko Mrit Karte…

Hazaron Varsho Se Bade Hi Yatn Karke,

Mere Andar Tumne Sabh Maara,

Aur Phir Mere Mrit Shrir Ko Tumne,

Kohlu Ke Thonthe Par Bandha…

Wahin Ghuma Ghuma Kar Tumne,

Zanjiro Main Jakadhkar Mujhe Das Banaya,

Aur Mere Mann Mashtikshya Par Bus,

Jadhta Ka Hi Rang Chadaya…

Tumhara Bus Chalta To Aaj,

Keval Manusmriti Ka Raaj Hota,

Aur Janm Janmantaro Ka Khel,

Na Jane Kitne Janm Aur Chalta…

Lekin Tumhari Chalein Toh Abh,

Pehle Se Bhi Tejh Ho Chalin Hain,

Aur Kanoon Ke Dhanv Pench Main,

Meri Aas Ko Maar Rahi Hain…

Main Samajh Raha Hun Thoda Thoda,

Lekin Darr Raha Hun Punchne Mein,

Lekin Tumne Pehle Bhi Yahi Kiya Tha,

Aur Abh Bhi Tum Vahi Kar Rahe Ho…

By – Prakash Awaaz

(This Hindi Poem is dedicated for Dalit Samaj. This Hindi Poem is telling about the inner feelings of Dalit Samaaj. We all need to understand that feelings and aspirations of Dalit Samaaj needs to be understood differently. Then, only gradually they would become part of national mainstream.)

Phir Ek Maut

Phir Ek Maut, Dil Dehlane Wali Maut,

Uss Maut Ke Maatam Main, Khamosi Tumhare Aagosh…

Jab Jab Bhi Ek Dalit Marta Hain,

Aur Gali Gali Uska Sar Katta Hain,

Sun Kar Hi Rongte Mere Khade Hote!

Kya Kuchh Bhi Fark Tumhe Padhta Hain?

Saalon Saal Wo Nyay Ko Bhatakta Hain,

Nyayalon Ke Galiyaron Main Sar Patakta Hain,

Jawani Na Jaane Kab Tabdeel Ho Gayi Budhape Main,

Yahi Toh Khel Khela Hain, Tumne Zamane Se…

Kya Keval Matr Dus Lakh Thi?

Do Behad Hi Chote Masumo Ki Jaan,

Kahan Kaleja Tum Rakh Aaye They?

Jab Vyarth Ke Tum Rata Rataya Jawab, De Aaye They…

Abhi Bhi Samay Hain Tum Ceth Jao,

Hazaron Salon Se Chale Aa Rahe Anyay Ko,

Tum Samet Kar Ganga Maiyya Main Phenk Aao,

Varna Main Nahi Samajhta Bhavishya Ke Garth Main Ujala Hain…

Yeh Chetavani Nahi Hain, Darr Hain,

Aur Mere Andhar Uthti Awaaz Ka, Ratti Bhar Shor Hain,

Yadi Yeh Shor Tumhe Jaga Sakta Hain, Toh Jago,

Apne Ander Baithe Ravaan Ko Tum, Maro,

Kyonki, Aaj Dushharey Ka Parv Hain, Aur ‘Ram’ Tumhare Sarv Hain!

Kyonki, Aaj Dushharey Ka Parv Hain, Aur ‘Ram’ Tumhare Sarv Hain!

By-Prakash Awaaz

(I am dedicating this Hindi Poem for all those people, who care for Dalit Samaj. As we all know that people belong to Scheduled Castes/Tribes, faces lots of discrimination in Indian Society. They are at the receiving end of the society. It is important that we all should make effort to understand their problems and have to become big hearted to understand the problems, trials they face in day to day life).

Mere Andar Uthta Toofan

Mere Andar Uthta Toofan,
Jo Kabhi Dafn Tha,
Na Jaane Kyon, Aaj Wo Apna,
Sar Utha Raha Hain…

Hairan Hun, Paresha Hun,
Kashmakash Ke Bawandar Main Mein,
Muthhi Main Band Reth Ko Phisalte,
Dekh Main Runaa Hun…

Aaj Kewal Khabron Ki Surkhiyon Ka Hi,
Bolbala Hain, Aur Lashon Ke Dher Main,
Keval Mera Hi Koum Wala Hain,
Ye Kya, Kya Mein Bhi Wahan Daba Hun?

Band Kamre Main Mere Anshuon Ko,
Kaun Dekh Sakta Tha,
Aur Yadi Jubaan Ko Bahar Khol Deta Toh,
Na Jaane Tano Ke Dher Neeche Daba Hota…

Mera Hukka Paani Toh Chal Hi,
Isliye Raha Hain, Kyonki Maine,
Moharband Lifafe Main Apni Bataon Ko,
Ghar Ki Fati Dari Ke Neeche Daba Rakha Hain…

Mere Andar Jo Adhey Tedhe Vicharon Ka,
Jamavadha Ho Gaya Hain, Usey Nikaalne Ki,
Khidhaki Toh Do, Wo Hi Shayad Meri,
Har Marz Ki Dawa Hogi, Aur Mere Zakhm Par Malham Hogi…

Kab Samajhne Ki Koshish Ki Hain,
Ki Mein Kyon Pratadhit Mehsus Kar Raha Hun,
Kyonki Mere Zara Bolne Par Hi,
Mere Khilaaf Har Taraaf Saazish Kar Di Gayi Hain…

Isliye Asal Baat Yeh Hogi,
Jo Mein Mehsus Kar Raha Hun Tum Usey,
Zara Gor Se Suno, Dil Se Suno,
Mera Haath Pakad Kar, Dil Se Aligan Kar Lo…

Badi Badi Baatein Mere Palle Nahi Padhti,
Haan Chhoti Baatein Mere Sar Chadkar Bolti,
Uska Arth Tum Bhi Samajhte Ho, Aur Mujhe Bhi Samajh Aata Hain,
(Toh Kyon Tano Bano Main Uljhkar Hum, Uljhano Ko Uljhate Hain)-2,
(Yeh Waqt Hai Na Zaya Karne Ka, Isse Pehle Ki Der Ho)-2,
(Mujhe Tum Tham Lo, Dil Ki Dhadkan Ko Pehchan Lo)-2…

Mere Andar Uthta Toofan,
Jo Kabhi Dafn Tha,
Na Jaane Kyon, Aaj Wo Apna,
Sar Utha Raha Hain…

By-Prakash Awaaz

(I am dedicating this Hindi Poem for all those people, who care for Dalit Samaj. As we all know that people belong to Scheduled Castes/Tribes, faces lots of discrimination in Indian Society. They are at the receiving end of the society. It is important that we all should make effort to understand their problems and have to become big hearted).

Balki

Bolte Bolte Hi Ek Vakya Par,
Yakayak Hi Meri Sui Atak Gayi,
Aur Sui Bhi Ataki ‘Balki’ Par,
Phir Maine Tanik Mushkura Kar,
Khamoshi Ki Chadar Dhak Li,
Phir Dosto Ne Tana Bana Bunna Shuru Kiya,
Aur ‘Balki’ Ko Mann Mutabik Pura Kiya…

Ek Ka Kehna Tha,
Pronatiyon Main Kyonki,
Abh Aarakshan Samapta Hain,
Toh Padnavat Hone Wala Ka,
Chehra Tamtamata Lal Hain,
Aur Koi Nahi Unka Bhagwan Ram Hain…

Wahi Dusre Ka Kehna Tha,
Ye Toh Ek Din Hona Hi Tha,
Aakhir Kab Tak Aarakshan Ki Malai,
Khate Inko Rehna Tha,
Yadi Aarakshan Dena Hi Hain,
Toh Nimna Aye Varg Ko Do,
Aur Aarakshan Ke Paimane Ko,
Jaat Paat Se Mukt Karo…

Teesra Kisi Se Kam Tha,
Dahad Ke Bola,
Yadi Aarakshan Dena Hi Hain,
Meri Unchi Jaat Ko Bhi Do,
Nahi Toh Katta, Jo Daba Rakha Hain,
Apni Patloon Ke Ander,
Yadi Hak Ke Liye Ye Chal Pada Toh,
Barbadi Hi Sirf, Phailayega…

Aachraj Bhari Nazaron Se,
Maine Apne Doston Ko,
Dekha Aur Bola,
Kitni Khisyahat Bhari Hain Tumhare Andar,
Mere ‘Balki’ Ka Itna Prayojan Tha,
Kaise Jo Bache Huye Rikth Sthan Hain,
Apne Anujo Ka Bhala Karein…

Phir Apni Baat Aur Rakhi,
Yadi Aarakshan Ka Tanik Bhi,
Matlab Samajhte Tum,
To Na Taulte, Ussey Aaye Se Tum,
Bahishkrit, Vanchit, Shoshit, Anpadh,
Samaaj Ko Samaanta Par Lane Ko,
Aarakshan Ek Matr Sopaan Hain…

By – Prakash Awaaz

(I am dedicating this Hindi Poem for all those people, who care for Dalit Samaj. As we see, that today a lot of discussion is going on in Print and Media about Reservation, especially, how it needs to be reviewed and basis for reservation should be based on economic status and not on caste. But unfortunately, Print and Media is totally controlled by so called upper caste in India and they do not want to listen to an alternative view, that’s why panel discussions exclude erudite people belonging to Dalit Samaj. This Hindi poem is describing some portion of the discussion which I had with people amongst us. Also, as we all know that people who belong to Scheduled Castes/Tribes, faces lots of discrimination, taunt, castigation in Indian Society).

Kranti

Kab Tak Rahoge Tum Khamosh?
Awaaz Toh Uttani Hi Pedegi,
Ek Kranti Ko Lane Main Tumhe,
Katar Ek Nayi Sajani Hi Hogi…

Jab Ashaniye Honge Haalat Tumhare,
Aur Har Taraf Honge Darwaje Bandh,
Pratishata Chinn Bhinn Daav Par Hogi,
Aur Anshu Se Bheege Honge Gaal Tumhare…

Samaj Lena Yahi Samay Hain,
Ekjutt Tum Karna Apno Ko,
Masaal Haath Main Lekar,
Ek Kranti Tum Karna Zarur…
Badlaav Ek Prayas Mangta Hain,
Ek Ichha Shakti Mangta Hain,
Suvichaar Yadi Tu Rakh Andar,
Toh Jan Sailab Tere Saath Aata Hain…

Kab Tak Rahoge Tum Khamosh?
Awaaz Toh Uttani Hi Pedegi,
Ek Kranti Ko Lane Main Tumhe,
Katar Ek Nayi Sajani Hi Hogi…
Katar Ek Nayi Sajani Hi Hogi…

By-Prakash Awaaz

(I am dedicating this Hindi Poem for all those people, who care for Dalit Samaj. As we all know that people belong to Scheduled Castes/Tribes, faces lots of discrimination in Indian Society. There is constant threat on the people of SC/ST and they are being targeted at every pretext in our society. Through this Hindi Poem, I am trying to tell the world that, there are certain limits in everything and that limit needs to be respected, otherwise a movement will rise and ultimately it would become upstoppable).

Jaath

Har Koi Jaath Puchhta Hain,
Aur Jaath Ka Pata Chalne Par,
Dushmano Sa Vyavar Karta Hain,
Mano Koi Apradh Ho Gaya Mujhse…

Jab Tak Pata Nahi Thi Jaath,
Main Hi Tha Tumhara Sakha,
Main Hi Tha Tumhara Sahara,
Aur Main Hi Tha Tumhara Dev…

Mera Tumhare Ghar Par Aana,
Aur Tumhara Mujhe Gale Lagana,
Baat Baat Par Mujhe Apna Batana,
Aur Har Baat Par Mujhe Chadana…

Aur Abh Jab Pata Chal Gayi Jaath,
Toh Mein Achanak Ban Gaya Achoot,
Toh Mein Achanak Ban Gaya Juthan,
Toh Mein Achanak Ban Gaya Tiruskrit…

Ye Kaisa Vyavarh Hain Tumhara,
Kal Jo Main Tha Tumhara Mitr,
Aur Aaj Ban Gaya Hun Bada Vichitra,
Aur Meri Jaath Ban Gayi Dushman Hamari…
Aur Meri Jaath Ban Gayi Dushman Hamari…

By-Prakash Awaaz

(I am dedicating this Hindi Poem for all those people, who care for Dalit Samaj. As we all know that people belong to Scheduled Castes/Tribes, faces lots of discrimination in Indian Society. Through this Hindi Poem, I am trying to tell the world that please open up your mind and embrace people belongoing to backward caste).

Har Halaaton Main Tu Aage Badh!!

Dekho! Raasta Kuchh Lamba Sa Dikh Raha Hain,
Ho Sakta Hain Tum Kuchh Shann Saans Lo,
Ho Sakta Hain Tum Kuchh Shann Baith Lo,
Magar Har Halaaton Main Tu Aage Badh, Bus Aage Badh!!

Vyakul Tera Mann, Shann Bhar Ko Jo Ho Jaye,
Saanse Teri Phule, Dil Tera Kuchh Gabraye,
Ankhein Dab Dab Ho, Nazar Tujh Pass Hi Ka Aaye,
Magar Har Halaaton Main Tu Aage Badh, Bus Aage Badh!!

Virodhabhas Vichar, Tere Mann Ke Andar Aayein,
Aur Wo Vichar Tujhe, Pal Pal Bhatkaye,
Shann Bhar Ko Tu, Gar Pathbrashta Bhi Ho Jaye,
Magar Har Halaaton Main Tu Aage Badh, Bus Aage Badh!!

Jag Tere Par Hanse, Usey Soch Kar Tu Kampkapaye,
Hatheliyon Par Tere, Pasina Ugey, Haath Phisalaye,
Gala Tera Sukh Hi, Kyon Na Jaye, Awaz Band Ho Jaye,
Magar Har Halaaton Main Tu Aage Badh, Bus Aage Badh!!

Suraj Ko Dekh, Apne Ko Jala Dusre Ko Roshni De Raha Hain,
Chanda Ko Dekh, Daag Hone Par Bhi Kitna Itra Raha Hain,
Unchi Lehrein Bhi, Samudra Tath Par Natmastak Ho Rahi Hain,
Tu Bhi Insey Seek, Bus Tu Aage Badh, Bus Aage Badh!!

Jal Patharon Ke Beech Bhi Apna Rasta Bana Leta Hain,
Chote Shikar Bhi Badalon Ko Gale Laga Leta Hain,
Hare Upvan Bhi Har Jeevan Main Kushiyaan Bhar Deta Hain,
Isliye Har Halaaton Main Tu Bhi Aage Badh, Bus Aage Badh!!

Dekho! Raasta Kuchh Lamba Sa Dikh Raha Hain,
Ho Sakta Hain Tum Kuchh Shann Saans Lo,
Ho Sakta Hain Tum Kuchh Shann Baith Lo,
Magar Har Halaaton Main Tu Aage Badh, Bus Aage Badh!!

I may be contacted on prakashawaaz@gmail.com – yours only

(I am dedicating this Hindi Poem for all those people, who care for Dalit Samaj. As we all know that people belong to Scheduled Castes/Tribes, have been kept aloof from general samaj in the name of backwardness/dirtyness/filthyness and what not. This Hindi Poem is instilling some kind of positive energy in them, so that they can get inspired and learn to move ahead).